عظمت علي شاه په پېښور کې د مشال راډیو خبریال دی چې د خیبر پښتونخوا پر سیاسي او امنیتي چارو او د خلکو د ژوند ژواک په اړه راپورونه جوړوي.
جماعت اسلامي د مې په ۱۹مه د پېښور کې په کبوتر چوک کې د"غزې میلیون مارچ" په نوم غونډه وکړه، چې پکې د ګوند مرکزي او صوبایي مشرانو او پلویانو ګډون وکړ.
د مې پر نهمه په پېښور کې د جمعیت علمای اسلام (ف) او تحریک انصاف ګڼو غړو او پلویانو جلسې کړې دي. د جمعیت جلسه د هغه احتجاجي تحریک د لړۍ برخه ده چې د ګوند مشر مولانا فضل الرحمان د فبرورۍ اتمې په عامو انتخاباتو کې د درغلۍ پرضد اعلان کړی وو. ویډیويي راپور.
په اسلام اباد کې د امنيت او د شخړو څيړنيزې ادارې په خپل تازه راپور کې ويلي دي چې په تېر اپريل مياشت کې د وسلوالو په بريدونو کې زياتوالي راغلي دي
د خيبر پښتونخوا د لوبو ادارې د مدرسو د زده کوونکو لپاره د درو ورځنيو لوبو د سياليو انتظام کړی وو چې د مې پر دويمه پای ته ورسېدې. په سياليو کې د مدرسو د زده کوونکو په ګډون د ټيټ قد او معذوري لرونکو کسانو هم برخه اخيستې وه. ويډيو رپورټ.
د خیبرپښتونخوا د روغتیا ادارې ویاند عطاالله خان مشال راډیو ته ویلي دي چې کیمپېن په دوو پړاونو کې کوي چې لومړې هغه یې د اپرېل له ۲۹مې، د مې تر درېیمې پورې د پېښور په ګډون د ۱۴ ضلعو په ټولو برخو او د مومندو، نوښار، بونېر، بر چترال، هريپور، ملاکنډ، مانسهرې او صوابۍ په ځینو برخو کې کېږي.
د خيبر پښتونخوا په مردان او شاوخوا سیمو کې باران او ږلۍ فصلونو او باغونو ته زیانونه رسولي دی. کرونده ګر وايي، باران که په وخت شوی وای، ګټه فصلونو ته به یې ګټه رسېدلې وای خو چې بې وخته وشو نو تاوان یې واړاوه.
د پاکستان د شماریاتو ادارې د اپرېل لومړۍ اوونۍ په رپورټ کې ویلي دي چې په هغه هېواد کې د ګرانۍ سطح تر ۳۰ فیصده لوړه شوې ده. اداره وايي چې په تېره اوونۍ کې ۱۶ خوراکي توکي ګران شوي دي. په پېښور کې ورځنۍ مزدوري یا دېهاړي کوونکي وايي چې ګرانۍ یې ژوند زښت اغېزمن کړی دی. ویډیويي رپورټ.
د خیبر پښتونخوا په مردان کې نرښځیان وایي، خپلوان ورسره په ټول کال رابطه نه کوي خو د روژې په میاشت کې ورته خپله کورنۍ او خپلوان ډېر یادیږي. نرښځیان وایي، له خپلې کورنۍ د لېرې والي له وجې له خپلو ملګرو سره یوځای روژه ماتی کوي او اخترونه نمانځي.
د پاکستان تحریک انصاف (پي ټي ای) د ملک په بېلا بېلو ښارونو کې د مارچ پر ۳۱مه مظاهرې کړي دي. دوی د خپل مشر عمران او د ګوند د نورو غړو د خوشې کېدو غوښتنه کوله. مظاهره چیانو د عدالتونو د ازادۍ شعارونه هم ورکول.
د پېښور د اېډورډز کالج زده کوونکو په لومړي ځل د انګرېزۍ ژبې د نومیالي لیکوال وېلییم شېکسپېیر یوه ډرامه په پښتو ژبه وړاندې کړې ده. د میکبت په نوم هغه ډرامه د پښتو نومیالي لیکوال قلندر مومند ژباړلې وه. وېلییم شېکسپېیر د ۱۶مې او ۱۷مې پېړیو تر ټولو لوی برېتانیوی لیکوال بلل کېده. ویډیويي رپورټ.
د خیبر پښتونخوا اعلاوزیر او د تحریک انصاف مخکښ سیاستوال علي امین ګنډه پور د پاکستان له چیف جسټس قاضي فایز عیسا غوښتي دي چې د فبرورۍ اتمې په انتخاباتو کې دې د ټګیو پلټنې وکړي. انتخاباتي کمېشن او د پاکستان پخواني لنډمهالي حکومت په ټاکنو کې د ټګۍ تورونه ردوي. ویډیويي رپورټ.
په پاکستان کې افغان کمېشنرۍ د افغان ښځو سره د یووالي لپاره د مردان په عبدالولي خان پوهنتون کې د انځورګرۍ نندارتون جوړ کړی وو. د فبرورۍ په اوومه په هغې نندارتون کې د افغانستان د کلتور او د ښځو د ژوند په اړه فنپارې نندارې ته وړاندې شوې.
د خیبر پښتونخوا سیاستوالانې وايي چې په هغه صوبه کې په سیاسي ډګر کې د ښځو ګډون خورا ستونزمن دی. مشال راډیو د مارچ پر اتمه د ښځو نړیوالې ورځې په مناسبت له درو داسې سیاستوالانو سره خبرې کړې دي چې د فبرورۍ اتمې انتخاباتو ته نوماندې وې. دوی په دې ویډیو کې د سیاسي هلو ځلو او ستونزو په اړه غږېدلې دي.
وزیراعظم شهباز شریف وویل چې حکومت په ورښتونو کې د پېښو او سېلابونو پر مهال د وژل شویو کورنیو ته ۲۰، ۲۰ لکه او ژوبلو کسانو ته پینځه لکه روپۍ ورکوي. نوموړي وویل چې د بارانونو او واورو له وجې د بشپړو ړنګو شویو کورونو مالکانو ته اووه، اووه لکه روپۍ ورکوي.
د عوامي نیشنل ګوند، هزاره جمهوري ګوند، ملي جمهوري غورځنګ او پښتونخوا نیشنل عوامي ګوند ګڼو غړو او پلویانو د فبرورۍ اتمې په انتخاباتو کې د درغلۍ پرضد په پېښور او کوټه کې احتجاجونه کړي دي. انتخاباتي کمېشن وايي ټاکنیز بهیر بشپړ شفاف او منصفانه وو. ویډیويي رپورټ.
د پاکستان تحریک انصاف مخکښه مشرانو، غړو او پلویانو د فبرورۍ پر ۱۷مه د هېواد په بېلابېلو برخو کې مظاهرې وکړې او له انتخاباتي کمېشنه یې وغوښتل چې د ۴۵م نمبر فورمې پر اساس دې د فبرورۍ اتمې ټولټاکنو نتیجې اعلان کړي. انتخاباتي کمېشن وايي چې ټول بهیر پوره شفاف او عادلانه وو. د مظاهرو په اړه ویډیويي رپورټ.
پاکستان تحریک انصاف او جماعت اسلامي د فبرورۍ اتمې په ټولټاکنو کې د ټګۍ تور په پورې کولو او د پایلو ځنډېدو پرضد احتجاجونه کړي دي. د هغو ګوندونو غړو او پلویانو د فبرورۍ پر ۱۰مه په کراچۍ او پېښور کې د مظاهرو پر مهال د رایو په شمېر او په نتیجو کې د رد و بدل تورونه پورې کړل. ویډیويي رپورټ.
په مردان کې د فبرورۍ پر اتمه خلک د رایې ورکونې مرکزونو ته روان دي. سهار مهال په پولېنګ سټېشنونو کې د خلکو ګڼه ګوڼه کمه وه خو وروسته زیاته شوه. په هغه ښار کې د سړیو ترڅنګ ښځې هم رایې اچونې ته روانې دي. ویډیويي رپورټ.
په پاکستان کې ګوندونه او نوماندان د فبرورۍ اتمې عامو انتخاباتو لپاره کیمپېن کیمپېن ته دوام ورکړی دی او له ولسه رایه غواړي. د خیبر پښتونخوا په مردان کې هم نوماندانو له ولس سره لیدو او غونډو ته دوام ورکړی دی. له ځینو کسانو سره مو خبرې کړې دي.
د پاکستان پیپلز ګوند مشر بلاول بوټو زرداري د ترهګرۍ پرضد په مبارزه کې د خیبر پښتونخوا د پولیسو د سرښندنې ستاینه کړې ده. نوموړي د جنورۍ پر ۲۷مه د پېښور په حیات اباد کې انتخاباتي جلسې ته وینا وکړه. دا په پېښور کې د فبرورۍ اتمې انتخاباتو په ترڅ کې لومړۍ جلسه وه. ویډیويي رپورټ.
نور وښیئ
