“د فېسبوک جعلي پاڼې د افغانستان او پاکستان ترمنځ نفرت خپروي”

د پاکستان او افغانستان یو شمېر پښتانه وايي چې د ځينو جعلي فېس بک اکاونټونو له لارې د دوي په منځ کې نفاق ته لمن وهل کېږي.د دواړو هېوادونو فعال ځوانان وايي بايد د ولسونو ترمنځ د نفرت ختمولو لپاره کار وشي.د مشال راډيو د دې اونۍ په ځوانانو غږ خپرونه کې په کابل کې ځوان مدني فعال او خبريال انيس الرحمان او په پېښور کې د فاټا ځوانانو جرګې مشر ارشد اپريدی مېلمانه وو. دوي پر پورته یاده شوې موضوع بحث کړی دی او یو شمېر اورېدونکو هم د ټلیفون له لارې په خپرونه کې برخه اخیستې ده. د خپرونې کوربه اسرار عالم مومند دی. د ځوانانو غږ خپرونه دلته واورئ