د مهاجرو نړیواله ورځ: عبدالله جان ټول عمر پاکستان کې سخته مزدوري کړې ده
عبدالله جان د افغانستان د کندوز ولایت د دشت ارچي اوسېدونکی دی چې له تېرو ۳۸ کلونو راهیسې په پاکستان کې مېشت دی. دی وايي، په خیبر پښتونخوا او د بلوچستان په یوشمېر پښتون مېشته سیمو کې یې ژوند تېر کړی دی، سخته مزدوري یې کړې ده او اوس یې هم کوي. موږ له جان سره د مهاجرو یا تارکین وطن د نړیوالې ورځې په مناسبت، چې د ډېسېمبر پر ۱۸مه لمانځل کېږي، ویډیويي مرکه کړې ده.