د تایلینډ خلک د باران غوښتو لپاره نانځکه پيشو په زانګو کې ګرځوي
په وروستیو کې د پاکستان او افغانستان په ګڼو برخو کې بې وخته بارانونه ډير شوي دي خو، بل لور په تایلینډ او مشرقي اسیا په ځینو هېوادونو کې ګرمي زیاته شوې ده. د تایلینډ خلک د وچکالۍ ختمېدو او باران لپاره له ځانګړي دود کار اخلي. دوی د پیشو نانځکه په زانګو کې کینوي، کوڅه په کوڅه یې ګرځوي چې خلک پرې اوبه شیندي. د سیمې خلک باور لري چې په دې توګه باران کېږي. د فرانس پرېس له ویډیو جوړ راپور.