د شمالي وزیرستان په همزوني سیمه کې يو قومي مشر وژل شوی دی.
د پوليسو يو افسر چې له رسنيوو سره یې د خبرو اجازه نه لرله، د جولای پر ۲۲مه یې د نوم نه ښودو په شرط مشال راډیو ته وویل، چې وژلی تن ملک افسر نومېده او پر هغه ډزې کوونکي تښتېدلي دي.
د ده په خبره، برید د جولای ۲۱مې پر ماښام وشو.
د برید ذمه واري چا نه ده منلې.
د مشال راډيو د ساتلو شمېرو ترمخه د ۲۰۲۰ز کال پر مهال په شمالي وزیرستان کې ۲۱ او په ۲۰۱۹ز کې ۵۱ هدفي بريدونه شوي.
