د ليبيا ولسمشر معمر قذافي په خپل پوځ غږ کړی چی د هغه پرضد راپورته شوی خلک له مينځه يوسي.
د ليبيا په سرکاري ټيلي ويژن په خپله وينا کي هغه وویل چی وسله وال مظاهره چيان به په دار ځړول کيږی.
ولسمشر قذافي زياته کړه هغه به د وييی تر آخري څاڅکي پوري جنګيږي او د يو شهيد په توګه به مري.
نوموړی زياته کړه چی هغه به له خپلې څوکۍ څخه استعفا ورنه کړي او د انقلاب د يو مشر په توګه به پاتې وي.
د رپورټونو له مخې د معمر قذافی وفادار پوځ د سرښار ترابلس په ګډون په بن غازي او نورو یو شمیر ښارونو کي په سلګونه کسان په ډزو وژلي دي.
په ملګرو ملتونو کي د بشري حقونو سر مشر نيوي پيلي غوښتنه کړې چی په ليبيا کي د حکومت لخواه په مظاهره چيانو د شوي تشدد دې پلټنې وکړل شي.
بلخواه د ملګرو ملتونو امنيتي شورا په ليبيا کي د حکومت لخوا په مظاهره چيانو د شوي تشدد په سختو ټکو غندنه کړې او ویلي یې دی چی دا عمل دی زرتر زره ودرول شي.
په نيويارک کي د ملګرو ملتونود امنيتی شورا د غونډی وروستويوه بيان کي ويلي دي چی ليبيايي ولس د جایزو غوښتنو پوره کولو لپاره دي ګامونه پورته کړی شي.
بيان زياتوي چی د ليبيا حکومت دي د نړيوالو قوانينو او بشري حقونو څخه سر غړونه بند کړي او د ولس خوندي کولو ذمه واري دې ترسره کړي.
د ملګرو ملتونود امنيتي شورا لخوا په بيان کي ويل شوي چی د بشري حقونو نړيوالی ادارې دی زر تر زره ليبيا ته رسايي وکړی.
په ليبيا کی د نا آرامۍ له وجی د تيلو په نرخ کي ۸ فيصده زياتوالی راِغلی، چی ۲۰۰۸د کال وروسته په لومړي ځل دومره لوړې ختلې دي.
د رپورټونوله ا مخی دا انديښنې څرګندېږي چی ګنې په ليبيا کي د بی ثباتۍ له وجی په نړۍ کي د تيلورسېدنګ ( سپلايي) اغيزمن کيدی شي.
ليبيا د نړۍ ۲ فيصده تيل پيدا کوي او رپورټونه وايي چی په ليبيا کي د ناکراریو له وجې په شمالي افريقايي ملکونو کي د تيٍلو سپلايي ګډوډه شوېده.
