په پاکستان کې د ښځو په زور یا د قران پاک سره د واده کولو او دا شان د جاییداد نه د محرومولو خلاف د دغه هیواد قامې اسمبلۍ یو قانون منظور کړی، چې له عمله به یي اوس د داسې کولو په جرم کې د قید سزه او جرمانه لګول کیږي.
د دغه قانون وړاندې کونکي دنیا عزیر مشال ریډیو ته وایي، اوس به څوک داسې نه وایي ، چې ګنې دغه یی کورنۍ مسله ده.
د پاکستان په سند او جنوبي پنجاب کې اکثره په جاګیردارانه کورنیو کې د لور خور واده د قران پاک سره وشي، چې د یوي جینۍ نه په قران لوظ واخلي چې واده به نه کوي او ټول ژوند به د پلار په کور تیروي. دا شان د هغې جاییداد هم په کور پاتې شي.
اخوا د پښتنو په سیمو او افغانستان کې بیا نجونې په سوره او بدل کې ورکړل کیږي، که څه هم په دغه واده کې د هغوي مرضي وي او که نه.
ددې ترڅنګ د اردن د ملکه رانیا د ژوند حال هم لرو، چې وایی دا کوشش کوي د وطن هر ماشوم یي سکول ته ولاړ شي. هغه په اردن کې د یو شمیر داسې ادارو مشري هم کوي چې مقصد یي خپل ولس او خاص کر ماشومانو ته تعلیم او د ژوند اسانتیوې ورکول دي.
ددې پروګرام جوړونکي فرخنده وزیر ده.
