د سندرو امېل خپرونې پاڼې ته ښه راغلاست.
په دې خپرونه کې د خيبر پښتونخوا په بنو کې د سندرغاړو د هنري فعاليتونو او ورته د پېښو ستونزو په اړه اورئ.
د سیمې شاعر افګار بخاري وايي، د امنیتي ستونزو له کبله دوی اوس نه شي کولای چې محفلونه وکړي.
بخاري وايي، د دوی سیمه د دې لپاره مشهوره وه چې خلکو به په څلور لارو کې، په سړکونو، په لارو کې ربابونه او سارندې غږولې.
دی وايي، ((ترهګرو پیل له دې فنکارانو او شاعرانو وکړ.)) د ده په خبره، وسله والو په پیل کې سندرغاړي وژل او شاعران یې ترهول.
دی له حکومته غواړي چې هره طریقه وي خو امن دې راولي.
په بنو کې د موسیقۍ استاد معراج وايي، د دوی په سیمه کې ماحول داسې شوی دی چې په ډېره ازادانه توګه محفلونه نه شي جوړولای.
د شمالي وزیرستان سندرغاړی عبدالرحمان درپه خېل وايي، په پلرني ټاټوبي کې یې پر موسیقۍ بندیز دی خو په بنو او شا و خوا سیمو د خلکو ښادۍ په خپلې موسیقۍ ښایسته کوي.
له دې درو کسانو سره نورې خبرې هم په خپرونه کې واورئ.
د سندرو امېل په خپرونه کې د بنو او وزیرستان د سیمې سندرې هم شته چې تاسې یې د غږ (ږغ) په ځای کې اورېدای شئ.
