ټاکل شوې ده چې په نوي ډیلې کې د افغانستان په اړه د ګل په ورځ یوه غونډه پیل شي.
هندي ورځپاڼه ډي اين اې او افغان ټايمز د هند د يو پوځي چارواکي له خولې خبر کوي چې په دې غونډه کې به د هند جګپوړي پوځي چارواکي هم برخه واخلي.
د کنفرانس هدف له افغانستانه د بهرنیو ځواکونو تر وتلو وروسته د ممکنه رامنځته کیدونکو ګواښونو د مخنوي د لارو چارو لټول یاد شوي دي.
دا غونډه به پنځه ورځې دوام وکړي او د هند د دفاع وزیر په وینا به پرانیستل شي.د هند پوځي چارواکي څرګندوي چې د دوی امنیتي او استخباراتي ادارې د افغانستان حالات له نژدې څاري.هند د یو شمیر افغان ځواکونو روزنه هم کوي.
د نوي ډیلي په غونډه کې به د سیمې پر امنیت هم خبرې وشي.
