پاکستاني چارواکې وايې په هغو لسو کسانو کې اته کسان خوشې کړل شوي دي کومو ته چې د رپورټونو له مخې په ملاله يوسفزۍ د بريد کولو په بدل کې د عمر قيد سزا اورول شوې وه .
د اپريل په مياشت کې د خېبر پښتونخوا د ترهګرۍ د مخنيوي يو عدالت اعلان وکړ چې د پاکستاني طالبانو هغو لسو کسانو ته يې د عمر قيد سزا اورولې چې په ۲۰۱۲ م کال کې د سوات په ملاله يوسفزۍ بريد کې ککړ ګرځيدلې وو.
خو وس داسې خبر مخې ته راغلې دی چې په دغو کې يواځې دوو کسانو ته د قيد سزا ورکړل شوی او اته کسان خوشې شوي دي.
په لندن کې د پاکستاني ډپلومېټک مشن وياند منير احمد پرون ويلي دي چې یاد اته کسان د ثبوتونو د نشتوالې له کبله خوشې کړل شوي دي.
د سوات د ضلعې پوليسو مشر د دې خبر پخلې کړې چې عدالت يواځې دوه کسانو ته سزا اورولې.
د تعليم مبارزه ملاله يوسفزۍ چې طالبانو په ډزو ژوبل کړې وه نوموړې د نوبېل امن جايزه هم ګټلې.
