د خيبر پښتونخوا بونير سره تعلق لرونکی، حسن بونيری د پښتنو لپاره په مختلفو لارو خدمت کوي. نوموړي د خپل تعليم د تر لاسه کولو تر څنګ د پښتنو ماشومانو د زده کړو لپاره هم غږ پورته کړی دی. هغه په کراچۍ کې د پښتنو کوچنينانو سره د تعليم د ترلاسه کولو په برخه کې کار کړی او وايي چې له اوسنيوو خرابو حالاتو څخه د وتلو يوازينۍ لار تعليم دی.
بونیری زياتوي چې تعليم خلک له جګړو او شخړو ساتي. د هغه په خبره تعليم يافته ځوانان کولی شي په خپله ټولنه کې د سياست او عدم تشدد له لارې بدلون راولي.
حسن بونيري سره د مشال ريډيو همکار، اسرار عالم مومند د ځوانانو غږ خپرونه کې خبرې کړي. دلته يې اوريدلی شئ.
