د باجوړ ایجنسۍ غرختونکې نازیه پروین ته په دې وروستیو کې په پېښور کې د پاکستان بک اف ریکارډز د غوره کارکردګۍ پر سر د سرو زرو تمغه ورکړل شوې ده.
نازیه پروین له تېرو څو کلونو راهیسې د غرختنې لوبه یا راک کلایمبنګ کوي. نووړې تر اوسه د پاکستان په کچه په یادو لوبو کې ۳۲ تمغې ګټلې دي.
نازیه په غرغتنه کې د پاکستان لومړۍ ښځينه لوبغاړې ده چې په نړیوالو لوبو کې يې د پاکستان استازیتوب کړی دی.
نازیه د پېراګلایډنګ لایسنس هم لري چې د پیراشوټ له لارې په هوا کې د الوت یوه لوبه ده.
نوموړې د مشال راډیو په اونیزه خپرونه سروې کې د خپل ژوند او لوبو کیسه کوي.
د خپرونې کوربنه ملیحه امیرزاده ده.
