په کابل کې د عراق پر سفارتخانې د جولایي ۳۱مې برید وروسته د افغانستان د بهرنیو چارو وزیر له خپل عراقي سیال سره په ټیلیفوني خبرو کې ډاډ ورکړی چې دا ډول بریدونه د کابل او بغداد د ترهګري ضد ګډ هوډ نشې ماتولای .
د افغانستان بهرنیو چارو وزارت لخوا پرون په خپره شوې اعلامیه کې ویل شوي چې د بهرنیو چارو وزیر صلاح الدین رباني خپل عراقي سیال ابراهیم جعفري ته ویلي چې د دې هیواد سفارتکاران محفوظه دي .
د افغانستان د کورنیو چارو وزارت ویلي،د عراق پر سفارتخانې د ګل د ورځې برید کې د یوې ښځې په ګډون دوه عام وګړي وژل شوي او د دوه امنیتي ساتونکو په شمول درې کسان زخیمان شوي دي.
د برید پر مهال څلور واړه برید کونکي چې داعش ډلې ویلي د دوی وسله وال ول ،هم وژل شوي دي.
