د پاکستان ولسمشر د زیارت پر ورځ پر ۳۱ اییني ترمیمي بيل له لاسليکولو سره قبايلي سيمې په رسمي توګه په خېبر پښتونخوا کې ورګډې کړې.
د پاکستان سرکاري ريډيو د خبر ترمخه، ولسمشر ممنون حسېن په اسلام اباد کې د دغه بيل لاسليکولو پر مهال وويل، چې دا کار به په سيمه کې ثبات ته لار هوار کړي.
د فاټا اصلاحاتو د عمليکولو لپاره د حکومت جوړې کمېټۍ مشر، سرتاج عزيز د مې په يوويشتمه مشال راډيو ته وويل چې تر قانوني خنډونو ختمېدو وروسته به، په خېبر پښتونخوا کې د قبايلي سيمو عملي انضمام څلور مياشتې وخت ونيسي.
تر دې مخکې د فاټا انضمام ۳۱ ترمیمي بیل د پاکستان پارلېمان او د خیبر پښتونخوا اسمبلی منظور کړ.
د پاکستان قبایلي سیمې چې تر دې قانون مخکې د وفاقي حکومت لخوا اداره کېدلې اووه اجنسۍ لري چې پکې باجوړ، خېبر، مومند، شمالي وزیرستان، جنوبي وزیرستان،اورکزی او کورمه راځي.
نور ولولئ
'فاټا انضمام به مومندو ته پرمختګ راوړي'
د فاټا لپاره تازه صدارتي فرمان کې څه دي؟
