د پاکستان مسلم لېګ (ن) ګوند غړي وايي په اډياله جېل کې بندي نواز شريف ته د دوی غوښتنې باوجود هم له هغه سره ملاقات ته نه پرېښودل کېږي.
د دې ګوند يو مشر غړي، پروېز رشيد د جولای په ۱۹مه د اډياله جېل په مخکې خبريالانو ته وويل چې نواز شريف يې په يوازيتوب کې ساتل شوی او سهولتونه نه ورکول کېږي.
احتساب عدالت د درغليو په يوه مقدمه کې نواز شریف ته ۱۰ کلونو، د هغه لور مريم نواز ته اووه کاله او زوم کېپټن محمد صفدر ته يو کال د بند سزا اورولې دي.
دوی ټول دا تورونه ردوي او د ځان خلاف يې سازش بولي.
مريم نواز به له اډياله جېله بېل زندانه ته منتقلېږي.
