د پاکستان د احتساب قومي ادارې – نېب – د مسلم لیګ نون ډلې مخکښ سعد رفیق او د هغه ورو سلمان رفیق نیولي دي.
پر دوي تور پورې شوی چې د پېراګون هاوسینګ په نامه پروژه کې یې درغلۍ کړې وې. دوي نن په لاهور کې نیول شوي دي. د احتساب ادارې ویلي چې د دوي پرضد پلټنې د مسلم لیګ نواز د حکومت له وخته روانې دي. سعد رفیق دا تورونه نه مني.
تر نوموړي وړاندې د مسلم لیګ مشر شهباز شریف هم په ورته تور کې نیول شوی وو چې له نېب سره تر دوه میاشتني بند وروسته اوس جېل ته لېږل شوی دی.
