د افغانستان د حکومت اجراییه رییس دفتر وایي حکومت د ولسمشرۍ انتخاباتو کولو ته تیار دی.
د اجراییه ریاست مرستیال ویاند امېد میثم د ډېسېمبر پر ۲۶مه مشال راډیو ته وویل د ولسمشرۍ ټاکنو لپاره یې ټول انتظامات وار له مخه کړي دي او په دې لړ کې حکومت ته کومه ستونزه نشته.
ټاکل شوې وه چې د جمهوري ریاست انتخابات د ۲۰۱۹ز کال په اپریل کې وشي، خو د انتخاباتو د خپلواک کمېسیون مرستیال ویاند د ډېسېمبر پر ۲۶مه وویل ښايي ټاکنې دوه نیمې میاشتې وځنډوي.
