د سوات په سیدو شریف کې د پولیسو د رویې خلاف د شکایت درجولو لومړی مرکز پرانستل شوی دی.
د ملاکنډ پولیسو مشر محمد سعید خان وزیر د جنورۍ پر۱۴مه د دغه مرکز د پرانيستې پر وخت مشال راډیو ته وویل چې د دا ډول مرکزونو د پرانيستلو مقصد پولیس د خپلو اختیاراتو له غلط استعمال څخه راګرځول دی.
سعيد وزير زياته کړه، په دغه مرکز کې به یو پولیس افسر ناست وي او د خلکو شکایتونه به درج کوي.
د نوموړي په وينا خلک کولی شي چې د اي مېل او موبایل پېغام له لارې هم خپل شکایت درج کړي.
