د امریکا د استازو جرګې مشرې نېنسي پېلوسي ويلي، د ولسمشر ډولنډ ټرمپ له خوا افغانستان ته د کانګرس غړو د سفر مخه نیول یو غیر ذمه وارانه کار دی.
د مېرمن پېلوسي په وينا له دې سره په افغانستان کې د دوی لپاره وضعیت نور هم خطرناکه کېږي.
د ټرمپ ادارې د امریکا د کانګرېس پر غړيو بندیز ولګاوه چې د ځېنو حکومتي ادارو په ټپه درېدو پر مهال د حکومت په الوتکو کې سفر نشي کولای.
د سپينې ماڼۍ لخوا د بوديجې په اړه خپره شوې تګلاره کې راغلي، د کانګرېس غړي یوازي هغه مهال له حکومتي الوتکو ګټه اخيستلای شي چې سپينه ماڼۍ ورته اجازه ورکړي.
د جنورۍ پر ۱۷مه سپینې ماڼۍ د نېنسي پېلوسي مخه ونيوله چې افغانستان ته په رسمي سفر په پوځي الوتکه کې لاړه شي.
