د مشال راډيو په ځوانانو غږ خپرونه کې د خېبر ضلعې ځوانان، مدني فعالان او پوليس چارواکي وايي چې په دې سيمه کې د ((ايس)) يا ((کرسټل)) په نوم نشه ډېره زياته شوې او ځينې زده کونکي او ماشومان هم په دې نشه روږد دي.
مدني فعالانو تور پوری کړ چې د ايس په ګډون د نورو نشيي توکو له خرڅوونکو سره ځينې پوليس چارواکي مرسته کوي خو د خېبر ضلعې ډي ايس پي نواز خان دغه تورونه رد کړل.
د دې اونۍ په ((ځوانانو غږ)) خپرونه کې مو پر دې خبرې کړي چې ايس نشه د انساني صحت لپاره څومره خطرناکه ده او د دې په مخنيوي کې ټولنه او حکومت څه رول لوبولای شي؟
د خپرونې ګډونوال د خېبر لوی روغتون ډاکټر ګلزاده، په خېبر ضلع کې مدني فعال داود اپريدی، د قبايلي زده کونکو د سازمان مشر ودود اپريدی او د خېبر ضلعې پوليسو ډي ايس پي نواز خان دی. د خپرونې کوربه اسرار عالم مومند دی.
