په ایران کې د القدس ځواک د وژل شوي کماندان قاسم سلیماني په جنازه کې د ټیل ماټیل له کبله ۵۶ کسان وژل شوي او له ۲۰۰ ډېر نور ټپیان دي.
د قاسم سلیماني د جنازې مراسمو لپاره په لکونو خلک راوتلي وو.
د ایران سرکاري خبري اژانسونو تر مخه د جنورۍ پر اوومه د قاسم سیلماني په پلرني ښار کرمان کې د خلکو وژل کېدو وروسته د قاسم سلیماني د جنازې مراسم وځنډېدل. په سمدستي توګه د ټیل ماټیل وجه نه ده جوته.
د جنورۍ پر درېمه په بغداد کې د ۶۲ کلن جنرل قاسم سلیماني وژنې د ایران او امریکا ترمنځ له وړاندې ترینګلې اړیکې د لا بې یقینۍ سره مخ کړي دي او له دواړو خواو د یو بل پرضد ګواښونه شوي دي.
