ايراني چارواکو خبرداری ورکړی چې ښايي په دغه هېواد کې په راتلونکيو اوونيو کې له کورونا وايرسه د خلکو مړينه زياته شي.
دا په داسې حال کې ده چې د اپرېل پر ۲۶مه نېټه په ايران کې په يوه ورځ کې د وبا له کبله تر ټولو زيات خلک مړه شوي ول.
د روغتيا وزارت د اپرېل ۲۶ مې شمېرې ښيې چې په تېر شواروز کې له وايرسه د وژل شويو کسانو شمېر ۴۹۶ ته لوړ شو.
له دې سره په دې هېواد کې د وبا له کبله د ټولو مړو شمېره ۷۰ زره او ۷۰ ته رسېدلې ده. هم په ۲۴ ساعتونو کې تر ۲۱ زره زيات نور کسان وبا ځپلي ول چې ورسره په وايرس د اخته ټولو کسانو شمېر ۲۴ لاکه ته رسېدلی وو. خو ځينې چارواکي مني چې د وایرس ځپلو اصلي شمېره تر دې هم زياته ده.
د صحت مرستيال وزير ایرج حرير خبرداری ورکړی چې ښايي په راتلونکو لږ تر لږه دوو اوونيو کې د مړو شمېر زيات شي.
