د هند په غوره ليګ شل اووریزه کرکټ سیاليو (ايي پي ايل) کې د اپريل په ۲۶مه رویلز چيلنجر بنګلور د راجستان رویلز مقابلې ته وځي.
د هند په پونې ښار کې کېدونکې دا سیالي به د پېښور په وخت د ماښام ۷ بجې پيليږي.
د اپريل په ۲۵مه، د دې ټورنمنټ په يوه بله لوبه کې پنچاب کينګز چنای سپر کينګز ته ماتې ورکړه. په ممبی کې شوې دې سیالۍ کې لومړی بېټينګ پنجاب کینګز وکړ او په ټاکل شوو ۲۰ اوورونو کې یې د ۴ لوبغاړو په اوټ کېدو ۱۸۷ رنزونه جوړ کړل.
په مقابل کې یې چنای سپر کينګز دا هدف پوره نه کړای شوی او د ټولو اوورونو په لوبولو یې د ۶ لوبغاړو په اوټ کېدو ۱۷۶ رنزونه وکړ. د پنجاب کینګز شېکر دوان د ۸۸ رنزونو په کولو سره د لوبې غوره لوبغاړی اعلان شو.
د اييپي ايل سياليو فاینل یا پايلوبه به د مې په ۲۹مه کيږي.
