د پاکستان وزیراعظم شهباز شریف ویلي چې په سېلاوونو کې د وژل شویو کورنیو ته ۱۰، ۱۰ لکه روپۍ ورکوي.
نوموړي د جولای پر ۳۰مه د بلوچستان سېلاو ځپلو سیمو ته تر سفر وروسته پر لیکلي چې وفاقي حکومت په بلوچستان کې سېلاو ځپلو ته په سمدستي توګه د مرستو لېږدولو لپاره له صوبايي حکومت سره کار کوي.
د پاکستان د حکومت په وینا، په هغه هېواد کې د جون له وروستۍ اوونۍ راهیسې په بارانونو او سېلاوونو کې شاوخوا ۳۰۰ کسان مړه شوي دي چې پکې ۱۲۷ د بلوچستان اوسېدونکي ول.
بلخوا د پاکستان دولتي رېډیو د جولای پر ۳۰مه د موسمیاتو محکمې په حواله ویلي چې په راتلونکو ۱۲ ساعتونو کې په خیبر پښتونخو او د بلوچستان په شمالي او ختیز برخو کې د نورو بارانونو امکان دی.
