د خیبر پښتونخوا په ټانک کې نامعلومو وسله والو د سېلاب ځپلو لپاره د کور جوړونکې غیرحکومتي ادارې درې کارکوونکي تښتولي دي.
د ټانک د پولیسو مشر وقار احمد خان د اکتوبر پر لومړۍ نېټه مشال راډیو ته وویل چې وسله والو دا کسان د سېپټمبر پر ۲۹مه شپې مهال تښتولي وو.
ده وویل چې له تېرې ورځې پولیس او پوځ د تښتول شوو د لټون عملیات کوي خو تر اوسه یې څه پرمختګ نه دی کړی.
د وقار احمد خان په وینا، دوی یوازې د تښتول شوو کسانو موټر موندلی دی. چا تر اوسه د دې کسانو د تښتولو زمه واري نده منلې.
