د کورمې په پاړه چینار کې ځايي مشرانو له چارواکو سره په غونډه کې په سيمه کې د امنيت ټينګښت غوښتنه کړې ده.
ځايي مشرانو د جنورۍ پر ۲۸مه، له چارواکو سره د امنيت ترڅنګ په روانو ترقیاتي چارو او د ځمکو او پر نورو شخړو هم خبرې وکړي.
په غونډه کې شامل د للمې، ملک اصغر حسین مشال راډيو ته وويل چې په غونډه کې د بر، کوز او منځني کرمې مشرانو ګډون درلودو. د هغه په وينا خلکو غوښتنه وکړه چې په کورمه کې دې امن پر ځای او پرمختياييکارونه وشي.
دا غونډه په داسی وخت کې شوی چې چارواکو د خیبر پښتونخوا ۱۱ نورو ضلعو سره په کورمې کې هم د اقتصادي زون د جوړولو ژمنه کړ ده. بلخوا وفاقي وزیر ساجد حسین توري ويلي چې په سیمه کې اقتصادي زون د جوړېدو لپاره ځمکه اخلي او د مقامي مشرانو او چارواکو يوه کميټۍ به جوړوي.
