امریکایي ورځپاڼې، وال سټریټ ژورنال په روسیه کې د خپل یو خبریال له نیول کېدو وروسته، د روسیې په ولسمشر ولادیمیر پوتین تور پوری کړی د کرېملېن هغه "عادت" ته وده ورکوي چې د "جاسوسۍ په پلمه" امریکایان یرغمل نیسي.
سپینې ماڼۍ د جاسوسۍ په تور د خبریال ایوان ګرېشکوېچ نیول "مسخره" بللې.
وال سټریټ ژورنال د مارچ پر ۳۱مه وویل چې د روسیې ولسمشر په ذاتي توګه د ایوان ګرېشکوېچ د روغتیا او خوندیتوب ذمه وار دی.
یوه ورځ مخکې د تړلو دروازو تر شا د یوې غونډې په ترڅ کې، په مسکو کې د لیفورتوو ولسوالۍ عدالت د روسیې وفاقي امنیتي ادارې (FSB) غوښتنه ومنله چې ۳۱ کلن ګرېشکوېچ به دوه میاشتې په بند کې وساتي.
ایف ایس بي د شوروي دورې د امنیتي اداری KGB اصل جانشین ګڼل کیږي.
ایف ایس بي وايي چې ګرېشکوېچ د امریکا په لارښوونو "د روسیې د پوځي - صنعتي کمپلېکس د یوې پروژې په اړه معلومات راټولول چې یو دولتي راز افشا کول دي."
وال سټریټ ژورنال د مارچ په ۳۱ مه د اداراتي بورډ لخوا په یوه لاس لیک شوی مقاله کې وویل چې د روسیې لخوا د ګرېشکوېچ نیول "د کریملین لخوا د امریکایانو د یرغمل کولو ته وده ورکوي، او دا څرګند ثبوت دی چې روسیه د متمدنو هیوادونو له ټولنې څخه ځان جلا کوي.
