د بشري حقونو یوې ډلې ويلي چې د ایران امنیتي ځواکونو د ۲۰۲۲ز کال په سېپټېمبر میاشت کې پر مظاهرچیانو د فشارونو په لړ کې لږترلږه ۵۳۷ کسان وژلي دي.
په ناروې کې د ایران د بشري حقونو ډلې د اپرېل پر څلورمه ویلي، په هغه موده کې د مظاهرو د تورونو په تړاو څلور کسان اعدام شوي او تر ۳۰۰ زیات کسان په همدې موده کې په نورو تورونو په دار ځړول شوي دي.
دې ډلې دا کړنې د ايراني رژیم له خوا د ټولنې د ډارولو په معنا يادې کړې دي.
په ایران کې د د ۲۰۲۲ز کال د سېپټېمبر په نیمايي کې د پوليسو په توقيف کې د ۲۲ کلنې مهسا امیني تر مړینې وروسته پراخې مظاهرې پیل شوې. هغه د سېپټېمبر پر ۱۳مه د حجاب په "سمه توګه" نه مراعتولو په تور نيول شوې وه.
د ایران چارواکو د هغو احتجاجونو پر وړاندې له فشارونو کار واخیست چې د بشري حقونو ډلې وايي، مظاهرچیان "په مستقیم ډول په مرمیو هم ویشتل" شوي دي.
د ایران د بشري حقونو ډلې مخکې د وژل شویو کسانو شمېر ۴۸۸ یاد کړی وو.
بل خوا ایراني رژیم د مهسا اميني د وژنې خلاف مظاهرې "د بهرنيانو دسيسه" بللې وه.
