اوکراین وایي، د روسېې لخوا د اوکراين په سرښار کیيف او نورو ښارونو بريدونو کې د ماشومانو په ګډون لږ تر لږه ۲۵ کسان وژل شوي دي.
بريدونه د اپرېل په ۲۸مه شوي دي. د اوکراين ولسمشر ولودومير زېلېنسکي دا د " دهشت" شپه بللې.
دا په داسې حال کې ده چې د اوکراين په ويجاړ شوي مشرقي ښار بخموت کې درنه جګړه لا هم دوام لري. دغه راز د اوکراين د کورنيو چارو وزير راپور ورکړی چې د هغه هېواد په اومان ښار کې پر نهه پوړيزه ودانۍ د روسیې میزایل لګېدلی چې لږ تر لږه پکې ۲۳ کسان وژل شوي دي.
د اوکراین په مرکزي سیمه کې پر غټ ښار نيپرو د روسیې لخوا په حمله کې يوه مېرمن او وړه ماشومه وژل شوې دي . دا پر دې سربيره ده چې د نيپرو پیترووسک سيمې پوځي انتظامي مشر وايي چې د اوکراين هوايي دفاعي نظام د روسیې اووه ميزايلونه هدف ته تر رسیدو مخکې غورځولي دي.
