د برتانیې د پاچا چارلس درېیم او د ملکې کمېلا د تاجپوشۍ رسومات د مې پر شپږمه په لندن کې وشول.
له نوي پاچا نه د کېنټرېري بشپ سوګند واخېست. نوموړي ته یې تاج پر سر کېښود او پاچا د سوګند په پاڼو لاس لیک وکړ. پاچا چارلس د هغه هیواد اووم شاهي مشر دی چې تاریخي کېنګ ایډورډ تاج یې پر سر کړ.
د تاجپوشۍ له مراسمو وړاندې، د برتانیې وزیراعظم رشي سونک مېلمنو ته د ښه راغلاست وینا وکړه.
په دغه رسوماتو کې د پاکستان د وزیراعظم شهباز شریف تر څنګ له ټولې نړۍ نه څه د پاسه دوه زره نورو مېلمنو هم برخه واخیسته چې پکې د يو شمیر هيوادونو حکومتي مشران هم شامل دي.
پاچا چارلس د ۱۹۴۸م کال د نومبر پر ۱۴مه زيږيدلی دی او په ۱۹۶۹ کال کې ورته د پرېنس اف ويلز یا د شهزاده درجه ورکړل شوې وه.
هغه لومړی واده ډیانا شهزادګۍ سره کړی وو خو د هغې له مرګ نه بس يې بل واده د کميلا پارکر سره وکړو.
چارلس د ۲۰۲۲م کال په سېپټمبر کې د ملکې الېزابېت له مړینې وروسته د برتانیې پاچا ټاکل شوی وو خو د تاجپوشۍ رسومات یې اوس ترسره شول.
