د پاکستان کرکټ لوبډلې د نیوزيلينډ په وړاندې خپله پينځمه يوه ورځنۍ لوبه وبایلله.
د مې پر اوومه په کراچۍ کې شوې دې سیالۍ کې نیوزيلينډ په پنځوس اوورونو کې د ټولو لوبغاړو په اوټ کېدو ۲۹۹ منډې جوړې کړي. د پاکستان لوبډلې دا هدف پوره نه شوای کړلی او ټول لوبغاړي یې په ۴۷ اوور کې د ۲۵۲ منډو په کولو سره اوټ شول.
تر دې مخکې پاکستان د دې لوبلړۍ په څلورو سیاليوو کې نیوزيلينډ ته ماتې ورکړې وه. په دې کار سره پاکستانۍ لوبډله د کرکت نړیوالې شورا د ۵۰ اووره سیاليوو په درجه بندۍ کې لومړۍ شوې وه. خو د نیوزیلينډ په وړاندې په وروستئ لوبه کې تر ماتې وروسته، درېيم نمبر ته ښکته شوه.
دا مهال د اسټراليا لوبډله د يو ورځنيو يا ۵۰ اووره کرکټ سیاليو په نړیوالې درجه بندۍ کې لومړۍ او هند په دويم نمبر ده. انګلينډ څلورم او نیوزيلينډ پينځم مقام لري.
