د طالبانو د حکومت د عامې روغتیا وزارت د مې له ۱۵مې څخه د افغانستان په ۲۳ ولایتونو کې د ګوزڼ ناروغۍ واکسیني کیمپېن پیلېږي.
وزارت د مې پر ۱۳مه وویل چې په کیمپېن کې تر پینځو کلونو پورې عمر لرونکي شاوخوا شپږ مېلیونه ماشومانو ته واکسیني څاڅکي ورکوي.
په همدې حال کې د ملګرو ملتونو د ماشومانو ادارې (یونېسېف) د مې پر ۱۳مه وویل چې په ننګرهار کې یې د پولیو لومړۍ پېښه ثبت کړې ده.
افغانستان او پاکستان د نړۍ یوازیني هېوادونه دي چې پکې د پوليو وايرس لا هم موجود دي.
