د اوکراین ولسمشر وولودیمیر زېلېنسکي ویلي د هغه هېواد په دنیپرو ښار کې پر روغتون د روسیې میزایل لګېدلی چې پکې یو تن وژل شوی او ۱۵ نور ژوبل دي.
زېلېنسکي د مې پر ۲۶مه پر ټېلېګرام لیکلي چې د ژغورنې عملیات دوام لري او د پېښې ښکار خلکو ته ټول اړین خدمات رسول شوي دي.
په عین حال کې روسیو چارواکو په درو سیمو کې د اوکراینیو ځواکونو د بریدونو خبر ورکړی دی.
د روسیې د بېلګورود سیمې ګورنر ویاچېسلاف ګلادکوف د مې پر ۲۶مه پر ټېلېګرام لیکلي چې د مې ۲۵مې شپې مهال اوکرایني پوځ د هغه هېواد په څلورو ضلعو توغندي ویشتلي دي چې پکې مرګژوبله نه ده شوې.
د روستوف سیمې ګورنر وسیلي ګولوبېف ویلي، یو اوکراینی توغندی پر موروزوفسک کار لګېدلی دی.
د جنوب غربي ښار کراسنودار ښاروال اېوګیني نوموف ویلي، چاودنې یو دفتر او یو کور ته نقصان رسولی دی.
اوکراین لا د روسیو چارواکو تورونو په اړه څه نه دي ویلي.
