د ایران ولسمشر ابراهیم رئیسي د جون په ۱۲ مه وینزوېلا ته د دوستو هیوادونو د سفر د پیل لپاره رسېدلی دی.
په دې هیوادونو کې کیوبا او نیکاراګوا هم شامل دي او دا ټول هيوادونه د یو ګډ حریف امریکا تر بندیزونو لاندې دي.
په کاراکاس کې د وينزوېلا د بهرنیو چارو وزیر یوان ګیل د ولسمشر رئيسي هر کلی وکړ او ټاکل شوې ده چې د ورځې په وروستیو کې له ولسمشر نیکولاس مادورو سره وګوري.
له تهرانه تر روانېدو وړاندې ولسمشر ابراهیم رئیسي ویلي وو چې د ملګرو هېوادونو لکه وینزوېلا، نیکاراګوا او کیوبا د ولسمشرانو په بلنه هلته سفر کوي. د ده په وینا، موخه یې د اقتصادي، سیاسي او علمي همکاریو ښه کول دي.
