د افغانستان او بنګلادېش ترمینځ د ټېسټ سیالۍ د دویمې ورځې په پای کې کوربنې لوبډلې د یو لوبغاړي په زیان ۱۳۴ منډې جوړې کړې.
د بنګلادېش په شېر بنګلا لوبغالي کې چې د جون پر ۱۵مه چې لوبه پیل شوه نو د کوربنې لوبډلې پینځه لوبغاړي په ۱۷ منډو جوړولو وسوځېدل او په ټولیزه توګه یې په لومړۍ پاڼۍ کې د منډو شمېر ۳۸۲ ته ورسېد.
بنګلادېش د جون پر ۱۴مه د سیالۍ پر لومړۍ ورځ د پینځو لوبغاړو په سوځېدو ۳۶۲ منډې جوړې کړې وې.
په ځواب کې د افغانستان لوبډله د سیالۍ پر دویمه ورځ په ۱۴۶ منډو وسوځېده.
د افغان لوبډلې افسر ځاځي ۳۶، ناصر جمال ۳۵، کریم جنت ۲۳ او عبدل ملک ۱۷ منډې وکړې. له دې پرته هېڅ لوبغاړي زیاتې منډې و نه کړای شوې.
