د امريکا د بهرنيو چارو وزير اینتني بلېنکن ویلي چې هیواد یې له اوکراین سره ۲۰۵ میلیونه ډالره اضافي بشري مرسته کوي.
د جون پر ۱۶مه بلېنکن په یوه بیان کې وویل چې د هغې مرستې سره به د اوکراین د ولس مهم ملاتړ وشي او ''هغوی ته به د خوراک، صفا اوبو، امنیت، تعلیم، قانوني مرستې، صحت او د سرپناه په برخه کې اسانتیاوې ترلاسه شي''
هغه وویل، دا پیسې به د هغو کورنیو سره د خپلو غړیو سره په رابطه ساتلو کې هم مرسته وکړي چې غړي یې بیل شوي او یا بې ځایه شوي دي.
د ۲۰۲۲ز کال په فبرورۍ کې پر اوکراین د روسیې تر یرغل راهیسې تر ۶ میلیونه زیات خلک له اوکراینه وتلي او تر ۵ میلیونه زیات په هیواد کې دننه کډوال شوي دي.
