د افغانستان کرکټ بورډ له پاکستان سره د ۵۰ اووه نړیوالو سياليو لپاره لوبډله اعلان کړې ده.
د کرکټ بورډ غوراوي کمېټې مشر اسد الله خان د اګست پر شپږمه په کابل کې خبري غونډې ته وويل چې د حشمت الله شهيدي په مشرۍ په لوبډله کې ۱۶ لوبغاړي شامل دي او ځينو ځوانانو ته هم موقع ورکوي.
دا لوبې به د روانې اګست میاشتې پر ۲۲مه، ۲۴مه او ۲۶مه په سريلنکا کې کېږي.
د اسد الله خان په وينا، د دې لوبو مقصد سږ کال د اسیا جام او نړيوال جام سياليو ته تياری کول دي.
تر اوسه پاکستان له افغانستان سره د درو یو ورځنیو سیالیو لپاره لوبډله نه ده اعلان کړې.
