د اسټرالیا او انګلستان (انګلینډ) لوبډلې د ښځو د فوټبال د نړیوال جام نیمه پایلوبې (سيمي فاينل) رسېدلې دي.
د اګست پر ۱۲مه د اسټرالیا او فرانسې سیالي لومړی په صفر – صفر مساوي شوه خو بیا اسټرالیا د پېنلټۍ په ګول فرانسې ته ماتې ورکړه.
په بله سیالۍ کې انګلستان کولومبيا ته په دوو ګولونو ماتې ورکړه.
تر اسټرالیا او انګلستان مخکې د هسپانیا او سویډن لوبډلې نیمه پایلوبې ته وتلې دي.
ټاکل شوې چې لومړی سيمي فاينل د هسپانيا او سويډن ترمینځ د اګست پر ۱۵مه او دویمه پايلوبه د اسټرالیا او انګلستان ترمینځ د اګست پر ۱۶مه وشي.
د ښځو د فوټبال نړیوال جام د جولای پر ۲۰مه د اسټرالیا او نیو زیلینډ په کوربه توب پيل شوی، چې پایلوبه یې د اګست پر ۲۰مه کېږي.
