د افغانستان او پاکستان د کرکټ ملي لوبډلې په دویمه یو ورځنۍ سیالۍ کې یو بل ته مخامخېږي.
ټاکل شوې چې د سري لنکا د همبانټوټا په مهېندا راجپکسا نړیوال لوبغالي کې سیالي د اګست پر ۲۴مه د پېښور پر وخت د ماسپښین پر دوه نیمو او د کابل پر دوو بجو پیل شي.
دا په داسې حال کې ده چې د افغانستان په کوربه توب د درو ۵۰ اووره سیالیو د لوبلړۍ لومړۍ لوبه پاکستان ګټلې ده. د اګست پر ۲۲مه د پاکستان لوبډلې په ۱۴۲ منډو افغانستان ته ماتې ورکړې وه.
ټاکل شوې چې د دواړو لوبډلو ترمینځ وروستۍ سیالي د اګست پر ۲۶مه وشي.
