د افغانستان او پاکستان د کرکټ لوبډلو ترمینځ د درو یو ورځنیو سیالیو د لوبلړۍ وروستۍ لوبه نن (اګست ۲۶مه) کېږي.
ټاکل شوې ده چې لوبه د سري لنکا په کولمبو میدان کې د پېښور پر وخت ماسپښين دوه نيمې او د کابل پر وخت دوه بجې پیل شي. دا په داسې حال کې ده چې د افغانستان په کوربتوب د ۵۰ اوریزو سیالیو د لوبلړۍ لومړۍ دوه لوبې پاکستان ګټلې دي.
د اګست پر ۲۴مه د لوبلړۍ دویمه سیالۍ وشوه چې د پاکستان لوبډلې افغانستان ته په یوه ويکټ ماتې ورکړه. تر دې وړاندې لومړۍ سیالي هم پاکستان ګټلې وه. د اګست ۲۲مې په سیالۍ کې پاکستان په ۱۴۲ منډو افغانستان ته ماتې ورکړې وه.
