په هند کې د ۵۰ اووره يا يو ورځني کرکټ د نړيوال جام تر پیلېدو مخکې پاکستان له نيو زيلینډ، افغانستان له جنوبي افريقا او بنګلادېش له سري لنکا سره تمريناتي لوبې کوي.
د سېپټېمبر ۲۹مې سیالۍ د هند په بېلابېلو ښارونو کې د پېښور پر وخت ماسپښين یوه نیمه او د کابل پر يوه بجه پیلېږي.
د کرکټ نړيوال جام سيالۍ رسماً د اکتوبر پر پينځمه پيلېږي او پایلوبه به یې د نومبر پر ۲۰مه کېږي.
په سياليو کې ۱۰ لوبډلې برخه اخلي چې په لومړي پړاو کې یې هره لوبډله له نورو سره لوبېږي او په پای کې به د سر څلور لوبډلې نيمه پايلوبې او په پای کې به یې دوه لوبډلې پايلوبې ته لاره مومي.
