د کرکټ پنځوس اوریز نړیوال کپ لپاره د سېپټېمبر پر ۳۰مه دوه تمریناتي لوبې ترسره کېږي.
په یوه لوبه کې به هند له انګلستان سره او په بله کې به نېدرلینډ له اسټرالیا سره لوبېږي.
د سېپټېمبر پر ۲۹مه درو تمریناتي سیالیو کې نیوزيلېنډ پاکستان ته او بنګلا دېش سري لنکا ته ماتې ورکړه. خو د افغانستان او جنوبي افریقا ترمینځ لوبه د باران له کبله ونه شوه.
د کرکټ پنځوس اوریز نړیوال کپ د اکتوبر له پنځمې په هند کې پېلېږي او د نومبر تر ۱۹مې به دوام لري.
