د افغانستان په هرات کې د طالبانو يو سيمه ييز چارواکی وايي چې د اکتوبر په اوومه د راغلې زلزلې له امله لږ تر لږه ۱۴تنه وژل شوي دي.
د هرات ولایت د عامې روغتیا رییس محمد طالب شاهد د فرانسې خبري اژانس ته ویلي دي چې د تلفاتو د شمېر د زیاتېدو احتمال شته.
د هغه په وينا، په دې پېښه کې ٧٨ تنه ټپيان شوي دي.
د امریکا د جیولوژیکي سروې ادارې اعلان کړی چې د زلزلې زور د رېښتر په کچه ۶.۲ درجې وو او د افغانستان لویدیځي سیمې یې لړزولې دي.
