د حماس تر واک لاندې د غزې تړانګې د روغتیا وزارت وايي چې له اسراییلو سره یوه میاشت وړاندې په پیل شوې جګړه کې تر اوسه پورې ۱۰،۵۶۹ فلسطینیان وژل شوي دي.
وزارت د نومبر پر اتمه ویلي دي چې په جګړه کې تر ۲۶،۰۰۰ زیات کسان ژوبل هم دي.
خپلواکو سرچینو د حماس تر واک لاندې د روغتیا وزارت ارقام نه دي تایید کړي.
حماس او نورو وسلوالو ډلو د اکتوبر پر اوومه د اسراییلو پر جنوبي سیمو حملې کړې وې چې پکې د اسراییلي حکومت په وینا، تر ۱،۴۰۰ زیات کسان وژل شوي ول.
د دې په غبرګون کې اسراییلو د غزې پر تړانګې ځوابي حملې پیل کړې او له هغه وخت راهیسې یې له حماس سره جګړه هم دوام لري.
