چارواکي وايي، د لانجمنې سیمې کشمیر پر پوله د هندیو او پاکستانیو ځواکونو ترمینځ په ډزو کې د هند یو سرحدي ساتونکی وژل شوی دی.
د هند تر واک لاندې د کشمیر چارواکو د نومبر پر نهمه دعوه کړې چې پاکستانیو سرتېرو یې پر سرحدي پوستو د راکټو او ټوپکو ډزې وکړې.
چارواکو ویلي دي چې د چارشنبې پر شپه شوې حمله "بې دلیله" وه.
د دواړو خواوو ترمینځ نښته د نومبر نهمې پر سهار پای ته ورسېده.
پاکستان په سمدستي ډول د نښتې په اړه څه نه دي ویلي خو دواړه خواوې اکثر یو بل د سرحدي نښتو د پیلولو تور پورې کوي.
