د خیبر پښتونخوا چارواکو په پېښور کې د امنيت لپاره په جلسو او غونډو د ۷ ورځو لپاره بندیز لګولی دی.
د پېښور کمېشنرۍ انتظامیې د نومبر پر ۲۰مه، په يوه خبرپاڼه کې وویل چې په دې ضلع کې یې د قانون ۱۴۴مه ماده لګولې ده. په خبرپاڼه کې ويل شوي چې د انتظامیې له اجازې پرته جلسې جلوسونه نشي کولی، په مظاهرو او له پينځوو کسانو څخه د زیاتو په ټولېدو بنديز دی.
همدا رنګه د وسلو ګرځول، د ګاډو تورې ښیښې او هوايي ډزې هم منع کړل شوي دي.
