د اوکراین پوځ وايي، د روسیې له ۱۵ څخه یې ۱۴ بې پیلوټه الوتکې ویشتلې او غورځولې دي.
د اوکراین هوايي ځواک د ډېسېمبر پر ۲۴مه، پر ټېلېګرام ویلي چې زیاتره بې پیلوټه الوتکې یې د هېواد په جنوب کې ویشتلې دي.
د دوی په وینا، روسیې دا الوتکې په ازوف سمندرګي کې له خپل ختیز ساحله الوځولې وې چې د اوکراین هوايي دفاعي ځواکونو په هوا کې وویشتې.
روسیې په سمدستي توګه په دې اړه څه نه دي ویلي او نه هم په خپلواکه توګه د دې دعوې تصدیق شوی دی.
روسیې د ۲۰۲۲ز کال په فبرورۍ کې پر اورکراین یرغل وکړ چې له هغه وخت راهیسې د دواړو هېوادونو ترمینځ جګړه دوام لري.
