د افغانستان او متحده عربي اماراتو د کرکټ لوبډلې په دویمه ۲۰ اووره سیالۍ کې یو بل ته مخامخېږي.
ټاکل شوې چې د ډېسېمبر پر ۳۱مه د شارجې په لوبغالي کې سیالي د پېښور پر وخت د ماخوستن پر اووه او د کابل پر شپږ نیمو بجو پیل شي.
د درو سیالیو په لومړۍ هغه کې، چې د ډېسېمبر پر ۲۹مه وشوه، افغانستان اماراتۍ لوبډلې ته په ۷۲ منډو ماتې ورکړه.
ټاکل شوې چې د لوبلړۍ وروستۍ سیالي د جنورۍ پر دویمه د شارجې په لوبغالي کې وشي.
د افغانستان کرکټ بورډ وايي، د دواړو لوبډلو ترمینځ دا سیالۍ د هغه هوکړه لیک له مخې کېږي چې تېر کال د دواړو هېوادونو د کرکټ ادارو ترمینځ لاسلیک شوی وو.
روان کال د دواړو هېوادونو ترمینځ د ۲۰ اووره سیالیو لومړنۍ لوبلړۍ افغانستان ګټلې وه.
