د هند د کرکټ په مشهوره اتلولي انډین پرېمیر لیګ کې د مارچ پر ۲۳مه دوې لوبې ترسره کېږي.
په لومړۍ لوبه کې پنجاب کنګز له دهلي کېپیټلز سره لوبه کوي او په دویمه کې کلکته نایټ رایډرز له سنرایزرز حېدراباد سره لوبېږي.
د انډین پرېمیر لیګ لوبې د مارچ پر ۲۲مه پیل شوې. په لومړۍ لوبه کې چیناي سپرکنګز لوبډلې رایل چېلنجرز بېنګلورو ته په شپږو وکټونو ماته ورکړه.
بېنګلورو لومړی بېټنګ وکړ او په ټاکلو ۲۰ اورونو کې یې د شپږو لوبغاړو په سر ۱۷۳ منډې وکړې. چیناي سپرکنګز دا هدف په ۱۹م اوور کې د څلور لوبغاړو په سر پوره کړ.
د انډین پرېمیر لیګ لوبې د مارچ پر ۲۲مه پیل شوې او د پای لوبه به یې د مې په پای کې ترسره کېږي.
