د روسيې پولیسو په مسکو کې د کنسرټونو په تالار د خونړي برید په تړاو د تاجکستان یو بل وګړی هم نیولی دی.
د مسکو د بېسمني ضلعي عدالت د اپریل پر پینځمه د شریف زاده محمد زایر په نامه هغه تن، د مې تر ۲۲مې د پولیسو په حراست کې د ساتلو امر وکړ.
چارواکو د زایر په اړه نور معلومات نه دي ورکړي خو د عدالت د خبري چارو دفتر ویلي دي چې پر هغه تن د ترهګرۍ د کارروایۍ تور دی.
زایر۱۰م تاجک وګړی دی چې د مارچ ۲۲مې په حمله کې د لاس لرلو پر تور نیول شوی دی.
د مارچ پر ۲۲مه د روسیې له پلازمېنې سره نېږدې په کراسنوګورسک کې پر کروکس سټي هال وسلوالو حمله کړې وه چې ۱۴۴ کسان پکې وژل شوي ول. د هغې برید ذمه واري اسلامي دولت (داعش) وسلوالې ډلې منلې وه.
دا په تېرو شاوخوا دوو لسیزو کې په روسیه کې تر ټولو خونړی برید بلل کېږي.
